Aug 19

1916-2016. Үркүн окуясына – 100 жыл

1916-2016. Үркүн окуясына – 100 жыл

Улуу жолдун учун улаган билет,

Улуу тарыхты сураган билет

1916-жылкы Улуттук боштондук көтөрүлүшүнүн 100 жылдыгына арналган руханий-практикалык жөө жүрүш

8-12

Улуттун трагедиясына айланган 1916-жылкы Улуттук боштондук көтөрүлүштүн 100 жылдыгына арнап, жүрүшкө жөө чыгууну, ченелүү гана азык алууну жана ашуу жерлерин басып өтүүнү көздөп, ушул жылдын 1-июлунан 7-июлуна чейин “Ак Шумкар КУТ” жаштар коомдук бирикмесинин 5 кишиден турган өкүлү: Мирхамид Токтогулов, Миррахим Токтогулов, Дөөлөт Рысбаев, Жоламан Жолдошбек уулу жана мен – Чолпонбек  Капарбек уулу  “Бишкек – Соң-Көл” багытында жөө жүрүшкө чыгып кайттык.

Толугу менен

Aug 30

Таш керемети. Карыпбек РЫСКЕЛДИЕВ,  табигый таштардагы сырларды окуган адам: «Адамдын рух жашоосу ташка чегилип калганы кызык»  

IMG_7746

Карыпбек РЫСКЕЛДИЕВ Тоң районунун Бѳкѳнбаев айылында жашайт.  Жергиликтүү элден сырткары аны чет элдик туристтер жакшы билет.  Таштардагы сүрѳттѳрдү, чиймелерди, белгилерди чечмелеп окуп, дүйнѳдѳгү, ааламдагы, кыргыздардагы сырларды, ѳткѳн тарыхты, келер чакты жана башканы кагаз бетине түшүрүп келаткан бул адамдын касиети ѳзгѳчѳ. Эмесе, аны менен болгон маек жана таштардагы сырлардын чечмелениши сиздерге жаңы ачылыштарды, жаңы жаңылыктарды тартуулаарынан күмѳн санабайбыз. Тилекке каршы, гезит бетине саналуу гана таштарды тандап бердик.

IMG_7779

 Таштарда бар улуулук,

Таштарда бар сулуулук.

Кармасаӊ, көрсөӊ, суктансаӊ,

Берип турат жылуулук. 

 

– Карыпбек агай, таштар дүйнөсүнө кандайча кирип калдыӊыз?

 Ата-энем чабан болгонуна байланыштуу бала-чагым тоо-ташта өттү. Бир сөз менен айтканда, жайлоодо чоңойдум. Жаратылыштын койнунда жүрүп, табият дүйнөнүн ажайып кооздугу мага абдан катуу таасир бергендиктенби, сүрөт тартуу адатым бала кезимден эле башталган. Кооз таштарды чогултканды жакшы көрчүмүн. Кагазга, жерге, чатырдын бетине көө менен сүрөт тарта берер элем. Кийин инилерим айтып калышчу эле күлүп, «байке, ошондо чатырга биз тартсак урушуп коюшчу да, атам менен апам сиз тартканда эч нерсе дешчү эмес» деп.

Толугу менен

Aug 23

“Биз өз тамырыбыздан жана табият күчүнөн, жер, суу, абадан алыстабашыбыз керек… Табият кубулуштарына болгон сүйүүнү үйрөтүү мүмкүн эмес. Аларды жөн гана сезип жана андан күч кубат алып туруу керек».    Даши Намдак 

Байыркыны бул жашоого ѳткѳргѳн – ДАШИ НАМДАК  

8-ДАШИ НАМДАК

Даши Намдак. Эми бул ысымды жакшы биле турган болдук. Биздин дүйнө айтылбай келген жана көрүнбөй турган сырларга, табышмактарга бай экенин ким танат. Бул купуялуу сырлар бир убакта кадыресе көрүнүш катары байыркы ата-бабаларыбыздын күнүмдүк жашоосунда эриш- аркак болуп келген. Биздин бүгүнкү каарман болгону 10 жыл аралыгында ысымын дүйнөгө таанытууга жетишкен бурят мастери – Даши НАМДАК. Ал, ошол биз сезип-туйуудан калып бара жаткан улуу дүйнөгө саякат уюштуруп бермекчи. Сүрөткердин чыгармачыл дүйнөсү кыргыз элинин рух дүйнөсүнөн дагы жаӊырык алып турарын мастердин образдарына тереӊ үӊүлгөн киши сөзсүз түрдө көрөт жана өзүнүн жан дүйнөсүнө чагыла түшкөн учурларды байкабай койбойт. Бул өз кезегинде байыркы жолго байланган алтын жипченин үзүлбөй келе жатканынан кабар берет. Эмесе, биз таанып тайынып келе жаткан табият-теӊир таанымды философиялык категория гана эмес, учурдагы биздин жашоо образыбыздын дагы тереӊине уюган кут деп эсептей турган болсок, Дашинын дүйнөсүн таанууда дагы сөз жок ушуга окшош ийгиликтерге жетишмекчибиз.

Толугу менен

Aug 15

Улуу табиятка – улуу мамиле! “Жашыл Ой” – жаштардын жаңылануу жолу

29 июлдан 4 августка чейин Ысык-Көлдүн тескейинде жайгашкан Кажы-Сай айылында «Жашыл Ой – 2014» жаштардын республикалык экологиялык лагери болуп өттү. «Жаштардын демилгесин өнүктүрүү фонду» уюштуруп, аларга өнөктөш катары мамлекеттик жана коомдук уюмдар биригип, ал эми каржылоосун “Кумтөр Голд Компани” көтөрдү.

9-эмбл

 Экологиялык лагерь демекчи, айлана-чөйрөнү коргоо, дегеле экология маселеси биздин коомчулук үчүн гана эмес, азыркы учурда бүтүндөй адамзат алдындагы олуттуу маселе болуп турат. Мындан улам жашыл экономика жана таза тамак-аш, ошондой эле агро туризм бүгүнкү күндүн актуалдуу темасына айланып жаткандыгы бекеринен эмес. Экология маселесин буга чейин да четте калтырбай,“Кумтөр Голд Компани” эко-туризмди өнүктүрүү боюнча ар тармактуу тренингдерди, “Ак илбирстин изи менен” долбоорун, ошондой эле айлана-чөйрөнү коргоо боюнча иш алып барган коомдук уюмдардын иш-чараларын колдоп, салымын кошуп келген эле.

Толугу менен

Feb 12

Жыл айларынын сырлары

vytoptannaya-tropka-[2560x1600]-[11258007]

Төрөн ЖУМАЕВ

Ала-Тообуздун аба ырайын кылдат байкашып, кыргыздын улуттук календарын байыркы элибиз так, даана түзүшкөн эле.  Улуттук календар ооздон-оозго, муундан-муунга оозеки айтылып жүрүп, биздин заманга жетти.  Кыргыз календары табигат менен тыгыз байланышта түзүлгѳндүгү – анын ѳзгѳчѳлүгүн аныктап турат. 2011-2014 жылдарга арналган кыргыздардын “Ай-Күн” календары КНАУнун “Биомаданий борбору” аркылуу  басмадан жарык көрдү. Бул календарга кошумча иретинде мүчөл жылдарынын таблицасы жана Ала-Тоо аймагындагы байкала турган жыл мезгилдеринин графиги камтылган.

Толугу менен

Dec 11

Тагдыр сырың – эсепте эленет…

Алмазбек ЭРКЕБАЙ

1. Жалпы түшүнүк

Кадырлуу окурман, инсандардын миң түрдүү психологиялык абалын, жер үстүндө аркалай турган миссиясын, касиеттүү ички жан дүйнөсүн, табышмактуу тагдырын, туура келечекке үндөгөн агартуучу таалим-тарбиясын, кесибин, түбөлүк жан бирге болчу  түгөйүн аныктоодогу эң аяр делген эзотерика (жашыруун ыйык сырлар) багытындагы санчылыктын (нумерология) сенсациялык  маалыматтары үзүл-кесил болсо да кыргыз окурмандарына жетип жаткандай.

Толугу менен

Nov 17

Кыргыз тагдыры. Ѳмүр. Ѳлүм. Кайып илими

4-5-кыргыз5

Кыргыз философия илиминин, аюрвед илиминин доктору, шаман жана дарыгер Жолдошбек СУЛТАНОВ менен маек 

1993-жылдан 97-жылга чейин Швецияда Веда илимдерин окуткан Эл аралык университетинде окуп, санскрит тилин үйрѳнүп тѳрт жыл жашагандан кийин, Индиядан Аюрвед институтун бүтүрүп, кайып илимин изилдеп-таанып 16 жыл ал жакта, бир жыл тибеттик кыргыздардын арасында жашаган Жолдошбек СУЛТАНОВДУН жарым жашоосу абсолюттук чындыкты толук табуу үчүн жумшалды. Кѳп жылдар бою кыргыз жергесинен сырткары жүрүп, ал ѳзүнүн жан касиетин, кыргыз элинин касиетин тааныгандан кийин, аң-сезими жеке адамдык кѳз караштан жалпы элдик кѳз карашка ѳтүп, азыркы учурда кыргыз элинин ѳзүн-ѳзү таануусуна, касиетине кайтуусуна кызмат кылып жаткан учуру.
Беш ай Кыргызстанда болуп, бүгүнкү күнү кайрадан жарым жыл убакытка, 2014-жылдын жазына чейин Индияга кетип жаткан Жолдошбек Султановдон жолго аттанаар алдында дагы бир жолу маек куруп берүүсүн ѳтүндүк.

Толугу менен

Jun 03

ААЛАМДАН КЕЛГЕН КАТТАР

Ѳмүрбүбү БЕГАЛИЕВА

Көгүлтүр оттун жанында күндө олтуруп,
Ойлондум далай кыргызда кайсы жол улук?
Жомоктун сыры алдыма кайра төгүлсө,
Окудум жазуу: барасың сырга жолугуп.
Жан дүйнөм түгөл денем да барат алоолоп,
Калкына камкор болалган адам жолу улук!


Колуңа ал Бал Китепти таштап жерге салбагын,
Байлыгың – ал, бакытың – ал, бийик жерде кармагын!
Пейлиң тарып, ичиң муздап, кыйноо сага келгенде,
Барагын ач бул китептин, акылын ук о пенде!
Боюңдагы бүлүк таркайт аздап сага күч толот,
Күмөнсүнгөн бул жашоонун баркы кайра козголот!

Толугу менен

Apr 25

Элчи Доктор Умай эне

Арыбаңыздар, ардактуу кыргыз элим, Кѳкѳ Теңир деп сыйынган байыркы касиеттүү ата-бабаларыбыздын урпактары!

Мен, Таалайбүбү Сулайманова, касиеттүү элчи Доктор Умай эне катары кѳп адамдардын сообуна калууга аракет кылып келем. Улуу Кудай берген улуу дарыгерлик касиетти жашырганга акым жок. Улуу Кѳкѳ Теңирдин берген дарыгерлик касиети, бул мага эле эмес, Кыргыз элине жана да жалпы эле жер бетинде ооруп жүргѳн адамдарга берилген ыйык Галактикалык айыктыруу терапия курсу.

Ардактуу, касиеттүү кыргыз элим! Мен мединститутту эмес медициналык окуу жайды да окуган эмесмин. Бирок, 2006-жылдан бери Галактикалык Жогорку медициналык академиясынын хирург-доктор-врачтары медициналык диагноздорду жаздырышып, акыркы жылдарда жалаң орусча медициналык терминдерди кабыл алып жазып жатам. Ушул диагноздор менен оорулуу адамдар ооруларын ѳтүштүрбѳй кайрылса, галактикалык хирург-врачтар оор жана жеңил операцияларды кан чыгарбай, дарылап жасашат. Галактикалык, медициналык касиет 21-кылымда тартууланган чындык. Ортодо элчилик докторлук (врачтык) касиетти аркалап адамдарга кызмат кылганыма тогуз жыл толду. Буга чейин ден соолуктарын оңоп, ар кандай оор жана жеңил операцияларды баштарынан ѳткѳргѳн пациенттерибиз бар. Алардын пикирлери да гезит бетинен жарыяланганда кандай оорулардан сакайгандарын окуйсуздар. Сиздерден ѳтүнүч, ден соолукка убагында кам кѳрүп, ооруну ѳтүштүрбѳй, ѳмүрүңүздѳрдү сактаңыздар. Улуу Кѳкѳ Теңирибиз баардыгыңыздарга ѳмүр берип жалгасын, ден соолук берип сактасын!

Толугу менен

Apr 24

Асмандан түшкѳн кѳк таштын сыры кайда?

Нишарат ЖАКЫПБЕКОВ, космоэнергетик

Мындан эки жума мурун, тагыраак айтканда 29-март күнү эртең менен телефондон: «Сени күтүп атабыз, Майрамбек келиптир, бир мазарга чогуу барып келели» деди «Уют-Кут» коомунун жетекчиси Шаршенаалы Кабатегин. Барыш керек болуп жүргѳн мазарга ѳзүнѳн ѳзү жол ачылганына кубанып, аларды кѳздѳй шашып жѳнѳдүм.

Саат он бирлерде Беловодск шаарчасынын түштүк тарабындагы Бала-Айылчы айылынын үстүндѳгү Саз деген жерге барарыбыз айкын болду. Жолмо жол улуу сѳзѳрдүн учугун улап, Шаршенаалы, Майрамбек үчѳѳбүз бара жаткан жерибиздин таржымалы жѳнүндѳ маек куруп бардык. Сазга жеткенде бул ажайып жердин сырын билген мазар шайыгы Сайкал эже бизди жаркылдап тосуп алды. Негедир кѳңүлүм кѳтѳрүлүп,  алып-учуп жатты. Айланага кѳз чаптырдым. Майрамбек болсо  жогору 100 метр чамасындагы жерге жүгүрүп барып,  бизге бир чоң ташты кѳргѳзүп,  бери келгиле деп жаңсады.  Биз жакын барганда, «Кѳк кочкордун башына окшош бул кѳгүлтүр ташта кандайдыр бир сыр бар» деди ал. Мен эки колумду ташка коюп, транс абалга кирип маалымат алганга аракет жасадым. Мени таңгалдырганы, таш кадимкидей дем алып жатты. Ошондо ачык портал кѳрдүм, күлгүн кызыл, сыя түстѳгү нур агымдары келип-кетип жатты. Эң бийик Уңгу уюлдан кийинки катмар менен байланышы бар экенин сездим. Болгону, нур агымдарын гана кѳрүп, бул энергия агымынан маалымат ала албадым.

Толугу менен