Кайырбек КОҢУРБАЕВ, «Ыйык Мурас» тарыхый-маданий мурастарды коргоо жана пайдалануу коомдук ассоциациясынын төрагасы
Тарыхта Кочкор өрөөнүндө беш шаар болгон деп айтылат. Алар: Кул-Шуб, Жул-Шуб, Кулан, Касра-Бас (Кочкор-Башы) жана Суяб. Орто кылымдагы бул шаарлардын тарыхта өз орду так көрсөтүлбөгөндүгү шаарлардын азыркы чалдыбарлары дайынсыз жок болуп кетүү коркунучунда тургандыктан, коомчулуктун көңүлүн буруу үчүн көптөгөн чыгармаларды, тарыхый маалыматтарды издеп окуп, шаарлардын даана аталыштарын изилдөөнү максат кылып, ушул макаланы жазууга аргасыз болдук.