1916-2016. Үркүн окуясына – 100 жыл
Улуу жолдун учун улаган билет,
Улуу тарыхты сураган билет
1916-жылкы Улуттук боштондук көтөрүлүшүнүн 100 жылдыгына арналган руханий-практикалык жөө жүрүш
Улуттун трагедиясына айланган 1916-жылкы Улуттук боштондук көтөрүлүштүн 100 жылдыгына арнап, жүрүшкө жөө чыгууну, ченелүү гана азык алууну жана ашуу жерлерин басып өтүүнү көздөп, ушул жылдын 1-июлунан 7-июлуна чейин “Ак Шумкар КУТ” жаштар коомдук бирикмесинин 5 кишиден турган өкүлү: Мирхамид Токтогулов, Миррахим Токтогулов, Дөөлөт Рысбаев, Жоламан Жолдошбек уулу жана мен – Чолпонбек Капарбек уулу “Бишкек – Соң-Көл” багытында жөө жүрүшкө чыгып кайттык.