Jul 21

КР Мамкаттоо кызматынын орун басары маселе тез арада чечилет деди

2-мамкаттоо

 12-июлда “Паспорттогу улутка таандык бешинчи графаны алып салуу” маселесиндеги чыр-чатакка, жалпы элдин нааразычылыгына алып бара турган мамилени жөнгө салуу үчүн  атуулдар Г. Шакирова  А.Сариев, Ж.Султанов ж.б. коомдук уюмдардын өкүлдөрү КР Президенти А. Ш. Атамбаевге, КР ЖКнын Төрагасы Ч.А.Турсунбековго, КР Премьер-Министри С.Ш.Жээнбековго  Кайрылуу кат жазышкан.

КР Өкмөтү катты шашылыш түрдө 2 күндүн аралыгында карап чыгып, жооп берүү үчүн  КР Мамлекеттик Каттоо кызматына жөнөткөндүгүн 15-июлда Кайрылуу ээлерине кат жүзүндө кабарлаган.

18-июлда Кайрылууга жооп алуу үчүн “БАТА” коомунан А. Чолпонкулов, “Манас эли” коомунан Р.Кожобеков, “Каада-салтты сактоо” коомунан А.Койчуев КР Мамлекеттик каттоо кызматына барышканда жетекчининин орун басары Мелис Эржигитов кабыл алып: “Бул маселе боюнча азыр элдин пикирин чогултуп жатышкандыгын, бардык нерсени ойлонуп, элдин келечеги үчүн иш жасай тургандыктарын” билдирип, жылуу узаткан.

Маалыматты тактоо үчүн гезиттин башкы редакторунун орун басары  Ч. Капарбек уулу жетекчининин орун басары Мелис Эржигитовго кайрылганда, ал: “Талаш-тартышты туудурган “улуту” деген графа боюнча  маселе тез арада чечилет, ушул аптанын акырына чейин жооп беребиз” деп телефон аркылуу жооп кайтарды.

“Көк асаба”

Jul 21

Айылчы САРЫБАЕВ, Экономика илимдеринин доктору, профессор, Экономика жана финансы институтунун ректору: “Өз да, өзгө да өлкөдө иштей турган мыкты экономисттерди даярдайбыз”

Күчтүү ЖОЖ  – күчтүү адистер, күчтүү келечек

4-фото1

 

 

 

 

 

 

 

 

 

Жашоо – тынбаган кыймыл, өсүү, өзгөрүү жана өнүгүп туруу эмеспи. Бирок, баардык эле адамдар эл-жерине кызмат кылууда улам өсүүнү, дайыма өнүгүүнү, жарыгын берген жаңыланууну талбастан көздөп жүрүп олтурбайт. Иштеген жылдарын санабай, кылган кызматын жар салбай, жаманынан чарчадым дебеген, жакшысынын баркына жеткен, кийинки муунду тарбиялоону уланта берген адамдарыбыз саналуу. 

Ошондой мекенчилдерибиздин бири – нечен жылдан бери кыргыз экономикасына зор салымын кошуп келаткан, билимди, илимди, тартип менен эрежени туу туткан агайыбыз – профессор Айылчы Сарыбаев. Continue reading